Matang namumugto, saklolo wari'y di mahango
Pinaghalong puyat at pagkabalisa.
Higit sa lahat,
Pagretiro sa luhang inilabas.
Mabuti kung pagtahan,
lilisanin din ng sakit na nararamdaman.
Ngunit hindi...
Ang sakit ay patuloy na manunuot at babalot
sa pusong winasak ng
masalimuot na mundo.
Mabuti kung pagtahan,
muling manunumbalik ang pag-ibig,
angkas ng hanging hamog
at tuwirang hahaplos.
Sana sa pagtahan, sa pagpunas ng maalat na luha
Ikaw ay magbalik na.
Isang kambiyo ng hinga
tapos
hihimbing na muli sa pagtulog
ika'y kasama ko na.
Walang komento:
Mag-post ng isang Komento